Historio
La celo de tiu paĝo estas rakonti la evoluon de La Vortaro, mencii la personojn kiuj bonvoleme helpis al ĝia prospero kaj informi vin por ke vi sciu ĉu vi havas la plej lastan version de la programo aŭ de iu vortlisto.
xx/11/1998 : Mi aĉetas CDromon sur kiu troviĝas kolekto da ĉiesaĵoj. Inter ili estas interesa programo por traduki de la Franca al dekduo da lingvoj. Domaĝe ne al Esperanto...
15/01/1999 : Mi havas aliron al la Intereto kaj trovas hazarde la TTTejon de tiu vortaro kiun mi malkovris sur CDromo. Ĝi proponas multe pli da lingvoj kaj interalie : Esperanto ! Mi elŝutas ĝin ! Ve! ĝi uzas la x sistemon kaj entenas tiom da eraregoj....
10/02/1999 : Mi kontaktas la prizorganton de la TTT-ejo, iu Beaumont, kaj proponas mian helpon por plibonigi la aferon. Tiel komenciĝis nia kunlaborado kaj amikeco.
25/04/1999 : Aperas renovigita Esperanta versio de la franca vortaro : "Le Dictionnaire", sur la TTT-ejo de Beaumont. La nova versio uzas Latin3 tiparon kaj estis korektita de Sro Gérard Gonnet-Boisson kaj mi mem.
15/06/1999 : La vortlisto Français-Esperanto estas aktualigita.
21/08/1999 : "Le Petit Cours d'Esperanto" kiu funkcias kun la Franca versio de "Dictionary Program" kies nomo estas nun : "Le Dictionnaire Freelang" aperas sur la TTT-ejo de Beaumont.
1/11/1999 :"The Dictionary program" havas nun Esperanto version : La Vortaro. Malfermo de la TTT-ejo kaj enretigo de La Vortaro kun 17 versioj : Afrikansa, Angla, Dana, Eŭska, Finna, Franca, Frisa, Germana, Hispana, Irlanda, Islanda, Itala, Latina, Nederlanda, Norvega, Surinama, Sveda. Dankegon al la personoj kiuj ebligis la naskiĝon de La Vortaro kaj kies nomo troviĝas en la rubriko "Dankoj" de la programo.
09/03/2000 : Apero de la Eŭska versio, Sro Dominique Cornice afable permesis al ni uzi sian vortliston.
28/04/2000 : Nova versio de la programo 3.4 kun novaj eblecoj.
14/05/2000 : Enretigo de la korektita kaj plivastigita Angla versio de La Vortaro dank'al la laboro de Gary Mickle.
25/05/2000 : Nova lingvo estas proponata : la Kataluna kiun ofertis al ni Sro J. Inglada Roig
04/06/2000 : Per krucado de la listo Hungara-Franca de Sro Guillaume Savoye kun nia Esperanto-Franca listo ni kreas "Hungara-Esperanto" vortaron.
13/06/2000 : La Franca plivastigita dank'al la aldono de la listo de Dominique Couturier
13/07/2000 : Ni konstatis kaj korektis cimon ĉe la nova Franca versio : ekestis problemoj pro la refleksivaj verboj en la Franca.
29/07/2000 : Dank'al sonoj iĝas la funkcio lerni (laŭ dialoga reĝimo) pli viva. La Nederlanda vortlisto estas malpezigita je propraj nomoj .
19/10/2000 : Per listo krucado ni kreas la Slovakan version.
15/11/2000 : Sro Lubomir Fahtj sendas al ni korekton kaj plivastigon de la Slovaka.
21/12/2000 : Dank'al la helpo de Lubomir Fahtj ni kreas Ĉeĥan version surbase de la laboro de Sro Pierre Le Roux kiu verkis vortliston Ĉeĥa-Franca por Freelang.
18/01/2001 : Sro Karl-Gustaf Gustafsson disponigas al ni Svedan vortliston kiu permesas al ni plibonigi kaj pli vastigi la antaŭan version.
13/02/2001 : Dank'al la laboro de Sro Antonio Luís Lourenço dos Santos ni povas proponi Brazil-Portugalan version (t.e. la Portugala lingvo parolata en Brazilo).
12/03/2001 : La Hungara kiun ni forprenis ĉar ĝi entenis tro da eraroj, revenas korektita kaj plivastigita dank'al la laborego de Sro Jozefo Horváth kun partopreno de Sro Tibor Szabadi.
19/03/2001 : La korektita versio de la Hungara ne kapablis montri la literojn u kaj o ĉapelitaj de duoblaj streketoj. La problemo estas nun solvita. Sro Karl-Gustaf Gustafsson, kiu antaŭnelonge korektis la Svedan, forprenis la akuzativajn formojn de la vortlisto kiun li proponis, ĉar tio povis kaŭzi miskomprenojn.
01/05/2001 : Versio 3.5 de La Vortaro : La programo estas disigita de la vortlistoj. La tiparo Latin3 Times SudEuro kaj la Kolorŝanĝilo instaliĝas aŭtomate.
Nova sistemo : la reakirilo permesas retrovi la mem aldonitajn vortojn post instalo de aktualigo de listo.
09/07/2001 : La jaro 2001 estas tiu de la UK en Zagrebo. Dank'al la laboro de Marija Belosevic ni povos proponi ĝustatempe la Kroatan version de La Vortaro al la kongresanoj.
06/08/2001 : La Hungara kaj la Eŭska estas plivastigitaj respektive de Sro Jozefo Horváth kaj de Sro Dominique Cornice kiuj jam kompilis tiujn vortlistojn.
24/09/2001 : La vortlisto de Sro Emanuele Bozzolo kiun ni miksis kun tiu de Sro Manuel Giorgini, por plivastigi la Italan kuŝis jam de longe en nia tirkesto, ni finfine trovis la tempon...
19/11/2001 : La Franca estas korektita, ĝi perdas multajn duoblaĵojn, sed tamen pligrandiĝas dank'al la vortoj ĉerpitaj el la fakaj vortaroj de Sino Mireille COROBU.
01/12/2001 : La Germana estas reviziita, korektita kaj plivastigita dank'al la laboro de
Prof. Katinjo FETES-TOSEGI, koran dankon al ŝi !
20/12/2001 : Ni devis ŝanĝi nian retadreson kiu estas nun : bvivier@la-vortaro.net
kaj ni profitis la okazon por akiri domenan nomon por La Vortaro, kies adreso nun estas : http://www.la-vortaro.net.
10/01/2002 : La Itala ricevas ĉirkaŭ 1000 pliajn vortojn dank'al la laboro
de Sro Massimo RIPANI, kiun ni dankas pro lia partopreno.
22/01/2002 : Nia gastlibro estas nun en Esperanto !
Dankegon al la firmao SPIN http://www.spin.de kiu permesis al ni esperantigi sian senpagan
gastlibron. Ni invitas ĉiujn teksestrojn danki al SPIN por tiu iniciato, uzante la ofertitan servon.
24/01/2002 :La Pola estis tre atendita de multaj samideanoj, ni ŝuldas ĝian realigon
al Sro Ŭitold CZERWINSKI pli bone konata en Esperantio sub la verda
kromnomo : Vito REDSKY. Gratulegon kaj dankegon al li.
12/03/2002 :La Itala plivastigita : Sro Massimo RIPANI sendis al ni tiun aldonaĵon al la listo kiun li mem jam plivastigis. Ni dankas lin pro lia fideleco kaj laboremo.
10/04/2002 : : la Luksemburga, vera unikaĵo en nia kolekto.Tiel ampleksa Luksemburga-Esperanto vortaro ekzistis laŭ nia scio : nek surpapere, nek komputile. Dankegon al Marie-José BEHM por ŝia kunlaborado.
20/05/2002 : La Brazil/Portugala estas plivastigita kaj plibonigita de ĝia aŭtoro :
Sro Antonio Luís Lourenço dos Santos. Ni ĉiuj, partoprenontoj de la UK en Fortalezo aŭ ne, tre dankas lin.
8/07/2002 : Niaj du kunlaborantoj Jozefo HORVÁTH kaj Massimo RIPANI plivastigis respektive la Hungaran kaj la Italan vortlistojn. La Hungara listo atingas nun pli ol 26 000 vortojn dum la Itala superas la 7 500. Gratulon kaj dankon al ili, nome de ni mem kaj de la uzantoj de tiuj vortlistoj tre ofte elŝutitaj.
1/08/2002 : Versio 3.6 de La Vortaro :
Nun 2 malsamaj instalprogramoj : por Vindozo 95 kaj aliaj versioj.
La butono tiparo nun aperigas la kompletan Esperanto alfabeton.
La klavkomandoj nun bone funkcias.
En la rubriko Helpo, la subrubrikoj : "helpo de La Vortaro" kaj "rilate al" estis aktualigitaj.
24/09/2002 : Nun ekzistas Brazil/Portugala versio de Dicionary Program.
Ĝin kreis kaj prizorgas nia brazila amiko Antonio Luís Lourenço dos Santos
La programo kaj la unua vortlisto estas elŝuteblaj ekde la TTT-ejo de la
Pinarbara Esperanto-Grupo : http://wwww.rantac.com.br/users/alls
Nova rubriko aperis en nia TTT-ejo : Aliaj Programoj
tie ni intencas proponi al vi niajn kreaĵojn senrilatajn al La Vortaro.
SkanPerfekt nia unua proponitaĵo estas dulingva programo Franca-Esperanto
kiu helpos al vi kalkuli la taŭgan rezolucion por pligrandigi fotaĵon per skanilo.
16/12/2002 : Dankon al Marie-José BEHM kiu jam la duan jaron desegnis nian Avofroston.
Por fini la jaron 2002 ni proponas la programon TransSkribu en la rubriko Utilaĵoj de la ĉefpaĝo de nia TTT-ejo.
23/01/2003 : La hungara vortlisto estis plivastigita de Jozefo HORVÁTH kaj atingas nun ĉirkaŭ 30 000 vortojn.
Mindenes Szótár la Hungara versio de La Vortaro estas nun atingeble ekde : http://www.mindenesszotar.hu
18/02/2003 : "Mi sendas al vi la liston Esperanto-Brazil-Portugala, al kiu mi aldonis preskaŭ mil enirvortojn. Ĉar mi ricevis raporton de samideano, kiu ne povas vidi
la tildojn(~),mi anstataŭigis ilin por steletoj(*)."
Jen eltiraĵoj de la mesaĝo kiun ni ricevis de nia kunlaboranto el Brazilio :
Antonio Luís Lourenço Dos Santos kiun ni multe dankas pro lia grandega laboro.
26/04/2003 : Kvankam modesta (iom pli ol 1000 vortoj) la Ukraina estas grava evento por La Vortaro ĉar ĝi estas nia unua nelatina vortlisto. Ni esperas ke ĝi estos baldaŭ plivastigita kaj ke rapide aliaj diversalfabetaj vortaroj sekvos.
Bonvolemuloj ĉiam serĉataj...
10/06/2003 : Sinjoro Federico ZENITH informis nin ke La Vortaro funkcias sub Linukso dank'al la kongruiga interfaco Wine. Li verkis paĝon, rekte alireblan ekde nia TTT-ejo, kiu klarigas kiel realigi tion. Koran dankon al Sro Federico Zenith kaj bonvenon al la uzantoj de Linukso !
02/11/2003 : Al ni ĉiuj malplaĉas ne sukcesi finplenumi vortkrucenigmon. Tio neniam plu okazos al vi se vi uzos la programon SOLVILO kiu montras la diversajn solvojn eblajn por plenumi kadrojn. Ĝi montriĝos ankaŭ tre utila en diversaj cirkonstancoj kies plezuron malkovri ni lasas al vi. Ligo en la rubriko Aliaj Programoj de la TTT-ejo de La Vortaro permesos al vi vidi kaj elŝuti la programon. SOLVILO funkcias sub Vindozo ekde la versio 98. Bonajn vortkrucrezolvadojn !
01/12/2003 : Pro komerca konflikto kun Club-Internet, ni gastigis La Vortaron ĉe Wanadoo. Feliĉe ni antaŭvidis similan situacion kaj akiris konstantan adreson :
http://www.la-vortaro.net
Se vi jam uzas la supran adreson vi tute ne devus vidi ŝanĝon. Kontraŭe, se por aliri La Vortaron vi uzas adreson enhavantan la vorton "club-internet" tiu baldaŭ ne plu estos valida. Ni rekomendas al vi uzi kaj registri la supran adreson en via navigilo. Ni petas la TTTestrojn kiuj bonvolis meti ligojn al La Vortaro kontroli kaj modifi ilin se necese.
29/05/2004 : Jam de longe la kontribuoj de : Alain-Michel MARTZLOFF (Amiĉjo) kaj Gildas LEMAÎTRE pri la franca atendis ke ni zorgu pri ili. Finfine ni trovis tempon por enmiksi iliajn du vortlistojn kun la jam ekzistanta kaj fari al tiu lasta kelkajn korektojn. La rezulto estas vortlisto kun pli-malpli 20 000 enaĵojn en la du direktoj. Dankegon al la kontribuintoj !
11/12/2004 : Pro teknika problemo, la TTT-ejo de La Vortaro ne estas momente alirebla per ĝia kutima retadreso kaj mi ne povas legi la mesaĝojn senditajn al mia adreso ĉe la-vortaro.net.
Vi tamen povas retrovi La Vortaron per
ĝia antaŭa adreso :
http://welcome.to/vortaro
kaj skribi al mi ĉe:
b-vivier@wanadoo.fr
Mi pardonpetas pro la ĝeno kaj esperas ke la problemo estos solvita post kelkaj tagoj.
Mi tuj informos vin kiam la situacio estos restarigita.
14/12/2004 : Ni havas la plezuron informi vin ke La Vortaro estas denove alirebla per ĝia kutima retadreso :
http://www.la-vortaro.net
kaj ke vi povas denove skribi al :
bvivier@la-vortaro.net
Ni dankas pro via pacienco kaj deziras al vi :
AGRABLAJN FINJARAJN FESTOJN !
27/01/2005 : Sro Witold CZERWINSKI verde dirite Vito REDSKY, la sama persono kiu jam kompilis la unuan polan vortliston, proponis al ni aldonaĵon de ĉirkaŭ 5000 vortoj en ĉiu tradukdirekto. Sciante ke la pola estas la 2a plej ofte elŝutata vortlisto de La Vortaro, ni certas ke
MULTAJ PERSONOJ APLAŬDOS JE TIU BONEGA LABORO.
04/03/2005 : Ni havas la plezuron anonci al vi le la Serba estas nun disponebla. Gratulon al Sinjoro Dimitrije JANICIC kiu kreis tiun vortliston kaj kiun ni bonvenigas inter niaj kunlaborantoj.
La komunumo de le uzantoj de La Vortaro kaj specife niaj serbaj amikoj varme dankas lin pro lia laboremo kaj sindonemo.
09/06/2005 : Ni havas la plezuron proponi al vi la ludon ENIGMO, esperante ke ĝi distros vin.
08/11/2005 : Ni havas la plezuron anonci al vi ke
la vortprovizo de la franca vortlisto estis plivastigita.
Bonan elŝuton!
10/11/2005 : Atenton, en la aktualigo de la 8a de Novembro
mankas ĉiujn vortojn kiuj komenciĝas per la litero "ĝ",
se vi instalis ĝin bonvolu elŝuti kaj instali la nunan
vortliston. Ni pardonpetas pro la ĝeno.
29/02/2006 : Ni havas la plezuron anonci al vi ke
la laboro de Charo permesis aldoni proksimume
1000 vortojn al la hispana vortlisto.
Koran dankon al li !
16/07/2006 : Ni esperas ke nia nova vortludo "PELMELO"
bone amuzos kaj distros vin.
Pelmelo taŭgas por ĉiuj, sendepende de la lingva nivelo.
Bonan ludadon !
16/07/2006 : LA HISPANA PLIVASTIGITA
Denove 1000 pliaj vortoj por la hispana vortlisto
kiu jam estis plivastigita fine de februaro 2006
Ni ŝuldas tiun plivastigon al Sro Miguel HERNÁNDEZ
kiun ni multe dankas !
13/11/2006 : LA HUNGARA PLIVASTIGITA
Nia nelacigebla prizorganto de la hungara lingvo
Jozefo HORVÁTH faris mirindan laboron kiu ebligas al
ni proponi vortliston kiu atingas preskaŭ 56 000 vortojn
de la Hungara al Esperantokaj pli ol 50 000 en la inversa direkto.
Ni povas nur gapi pro admiro kaj dankegi lin pri tiu brila rezulto !
16/12/2006 : LA BRAZIL-PORTUGALA PLIVASTIGITA
Ĵus antaŭ la fino de la jaro ni ricevis neatenditan plivastigon de la BRAZIL-PORTUGALA vortlisto kiun ni ŝuldas al Prof. Aguinaldo PETRIN Dank'al lia laboro la vortlisto ricevis ĉirkaŭ 5000 pliajn vortojn konsiderante ambaŭ direktojn. Ni multe dankas al tiu neatendita avofrosto por tiu belega donaco !
6/10/2007 : La firmao SPIN kiu ekde ĝia kreado gastis kaj prizorgis senpage la gastlibron de La Vortaro, decidis ĉesi tiun aktivaĵon. Ni bedaŭras sed bone komprenas tiun decidon kaj dankas la firmao SPIN por la servo kiun ĝi ofertis al ni senpage dum tiu tempo. Ni trovis propran solvon por anstataŭigi la malnovan gastlibron sen perdi la jam registritajn subskribojn.
Ne hezitu subskribi nian novan gastlibron !
15/11/2007 : JEN LA BOSNA
Antaý nelonge Sinjoro Merzin VEJO Anoncis al ni sian intencon krei BOSNAN vortliston por La Vortaro. Li plenumis sian promeson kaj dank'al lia laboro, ni povas nun aldoni la Bosnan Lingvon al nia kolekto kaj proponi øin al vi, je elþuto. Ni dankegas kaj bonvenigas lin inter la kunlaborantoj de La Vortaro.
15/11/2007 : JEN LA BOSNA
Antaŭ nelonge Sinjoro Merzin VEJO Anoncis al ni sian intencon krei BOSNAN vortliston por La Vortaro. Li plenumis sian promeson kaj dank'al lia laboro, ni povas nun aldoni la Bosnan Lingvon al nia kolekto kaj proponi ĝin al vi, je elŝuto. Ni dankegas kaj bonvenigas lin inter la kunlaborantoj de La Vortaro.
01/12/2008 : LA POLA PLIVASTIGITA
Dank'al la laborego de Sinjoro Sebastian CYPRYCH kiu aldonis pli ol 10 000 vortojn al la jam ekzistantaj vortlistoj. Tiu bona iniciato tutcerte estos tre utila ¼us antaý la venonta Universala Kongreso kiu okazos en Pollando. Dankegon kaj gratulegon al li !
09/02/2009 : JEN LA SLOVENA
Laŭ propono de Sinjoro Aldo Goran Ninovski kiu afable disponigis al ni la vortlistojn kiujn li ellaboris. Ni dankas kaj gratulas lin por tiu utilega laboro !
03/10/2009 : LA BRAZIL-PORTUGALA PLIVASTIGITA
6000 pliajn vortojn estis aldonitaj dank'al la laboro de Profesoro Aguinaldo PETRIN kiu jam kontribuis antaŭ kelkaj jaroj al la plivastigado de tiu vortlisto kiu nun enhavas pli ol 33 000 vortojn.
GRATULEGON KAJ DANKEGON AL LI !
10/05/2010 : LA VORTARO EVOLUIGITA
La versio 3.7.4 de la programo ekde nun elŝuteblas !
Por sekvi la informadikan evoluon necesis ankaŭ evoluigi
LA VORTAROn kiu ne bone funkciis sub Vindozo Vista kaj Seven.
Kun XP tiuj du programoj estas nun la plej uzataj mikrosoftaj operaciumoj dum
Vindozo 95 kaj 98 aspektas kiel arkaikaĵoj.
La aspekto de la programo kaj ĝiaj funkcioj ne estas ŝanĝitaj tamen modifoj videblas
de la uzanto en la nova versio :
- la instalprogamo nun funkcias kiel ĉiuj similaj programoj kaj
permesas ankaŭ aŭtomatan malinstaladon
- licenco klarigas la uzorajtojn de la programo
- la reakirado de propraj aldonaĵoj kaj listoj kaze de aktualigo de
vortlistoj estis aŭtomatigita (tiu funkcio anstataŭigas nian
reakirilon nun senutila)
06/09/2011 : LA BRAZIL-PORTUGALA PLIVASTIGITA
"Denove, mi sendas novan plivastigon de la Brazil-Portugala vortlisto,
ĉirkaù 4000 vortojn konsiderante ambaù direktojn. Nun La Vortaro enhavas pli ol 37000 vortojn" Skribis al ni nia nelacigebla kunlaboranto :
Prof. Aguinaldo PETRIN
al kiu ni jam ŝuldas du imponajn plivastigojn de la Brazil-Portugala vortlisto.
Ni multe dankas lin pro tiu giganta laboro...
01/10/2012 : LA BRAZIL-PORTUGALA PLIVASTIGITA
Dank'al la laboro de nia vigla kaj fidela kunlaboranto
Prof. Aguinaldo PETRIN
kiu regule sendas al ni novajn plivastigojn de la Brazil-Portugala vortlisto.
Ni aplaŭdu kaj danku lin por lia sindonemo !
22/04/2014 : LA BRAZIL-PORTUGALA PLIVASTIGITA
Vortoj ne troveblas por danki nian kunlaboranton
Prof. Aguinaldo PETRIN
kies kontribuo estas nekompareble regula kaj ampleksa.
Li meritas nian dankemon kaj tiun de ĉiuj uzantoj de tiu vortlisto !
24/05/2016 : LA BOSNA PLIVASTIGITA
Post longa silento ni havas la plezuron anonci al vi
ke la bosna vortlisto estis plivasitgita de ĝia kreinto
Sro Merzin VEJO
Ni multe dankas pro lia grandega laboro !